ตตฺถาปิ ภวนํ มยฺหํ สตฺตภูมํ สมุคฺคตํ กูฏาคารวรูเปตํ เอกตฺถมฺภํ มโนรมํ ฯ เอกวีสติกปฺปมฺหิ อุเทโน นาม ขตฺติโย ตตฺราปิ ภวนํ มยฺหํ สตฺตภูมํ สุลงฺกตํ ฯ ยํ ยํ โยนูปปชฺชามิ เทวตฺตํ อถ มานุสํ อนุโภมิ สพฺพเมตํ ๑ เอกตฺถมฺภสฺสิทํ ผลํ ฯ จตุนวุเต อิโต กปฺเป ยํ ถมฺภมททึ ๒ ตทา ทุคฺคตึ นาภิชานามิ เอกตฺถมฺภสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา เอกตฺถมฺภิโก เถโร อิมา คาถาโย อภาสิตฺถาติ ฯ เอกตฺถมฺภิกตฺเถรสฺส อปทานํ สมตฺตํ ฯ ตติยํ นนฺทตฺเถราปทานํ (๑๓)

---

[๑๕] ปทุมุตฺตรสฺส ภควโต โลกเชฏฺฐสฺส ตาทิโน วตฺถํ โขมํ มยา ทินฺนํ สยมฺภุสฺส มเหสิโน ฯ ตมฺเม พุทฺโธ วิยากาสิ ชลชุตฺตมนายโก อิมินา วตฺถทาเนน เหมวณฺโณ ภวิสฺสสิ ฯ #๑ ม. สุขํ สพฺพํ ฯ ๒ ม. ถมฺภมททํ ฯ