พระสุตันตปิฎกบาลี: 15/65/228 229 230 231
สุตฺตนฺตปิฏเก สํยุตฺตนิกายสฺส สคาถวคฺโค
กติ โลกสฺมิ ปชฺโชตา เยหิ โลโก ปกาสติ
ภควนฺตํ ปุฏฺฐุมาคมฺม กถํ ชาเนมุ ตํ มยนฺติ ฯ
[๒๒๘] จตฺตาโร โลเก ปชฺโชตา ปญฺจเมตฺถ น วิชฺชติ
ทิวา ตปติ อาทิจฺโจ รตฺติมาภาติ จนฺทิมา
อถ อคฺคิ ทิวารตฺตึ ตตฺถ ตตฺถ ปกาสติ
สมฺพุทฺโธ ตปตํ เสฏฺโฐ เอสา อาภา อนุตฺตราติ ฯ
ปญฺจมํ ทามลิสุตฺตํ
[๒๒๙] สาวตฺถิยํ อาราเม ... อถ โข ทามลิ ๑ เทวปุตฺโต
อภิกฺกนฺตาย รตฺติยา อภิกฺกนฺตวณฺโณ เกวลกปฺปํ เชตวนํ โอภาเสตฺวา
เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา
เอกมนฺตํ อฏฺฐาสิ ฯ
[๒๓๐] เอกมนฺตํ ฐิโต โข ทามลิ เทวปุตฺโต ภควโต สนฺติเก
อิมํ คาถํ อภาสิ
กรณียเมตํ ๒ พฺราหฺมเณน ปธานมกิลาสุนา
กามานํ วิปฺปหาเนน น เตนาสึสเต ภวนฺติ ฯ
[๒๓๑] นตฺถิ กิจฺจํ พฺราหฺมณสฺส ๓
[ทามลีติ ภควา] กตกิจฺโจ หิ ๔
พฺราหฺมโณ
ยาว น คาธํ ลภติ นทีสุ
อายูหติ สพฺพคตฺเตภิ ชนฺตุ
คาธญฺจ ลทฺธาน ถเล ฐิโต โส
#๑ สี. ทามโล ฯ ๒ ยุ. กรณิยเมตฺถ ฯ ๓ สี. พฺราหฺมณสฺส นตฺถิ กิจฺจสฺสาติปิ8
#ปาโฐ ฯ ๔ ม. ติ ฯ
