พระสุตันตปิฎกบาลี: 16/56/98 99 100
สุตฺตนฺตปิฏเก สํยุตฺตนิกายสฺส นิทานวคฺโค
กฬารขตฺติยวคฺโค จตุตฺโถ
[๙๘] เอกํ สมยํ ภควา สาวตฺถิยํ วิหรติ ... ตตฺร โข ภควา
อายสฺมนฺตํ สารีปุตฺตํ อามนฺเตสิ วุตฺตมิทํ สารีปุตฺต ปารายเน
อชิตปเญฺห
เย จ สงฺขาตธมฺมาเส เย จ เสกฺขา ปุถู อิธ
เตสมฺเม นิปโก อิริยํ ปุฏฺโฐ จ ๑ พฺรูหิ มาริสาติ
อิมสฺส นุ โข สารีปุตฺต สงฺขิตฺเตน ภาสิตสฺส กถํ วิตฺถาเรน
อตฺโถ ทฏฺฐพฺโพติ ฯ
[๙๙] เอวํ วุตฺเต อายสฺมา สารีปุตฺโต ตุณฺหี อโหสิ ฯ
ทุติยมฺปิ โข ภควา อายสฺมนฺตํ สารีปุตฺตํ อามนฺเตสิ ฯเปฯ
ทุติยมฺปิ โข อายสฺมา สารีปุตฺโต ตุณฺหี อโหสิ ฯ ตติยมฺปิ โข
ภควา อายสฺมนฺตํ สารีปุตฺตํ อามนฺเตสิ วุตฺตมิทํ สารีปุตฺต
ปารายเน อชิตปเญฺห
เย จ สงฺขาตธมฺมาเส เย จ เสกฺขา ปุถู อิธ
เตสมฺเม นิปโก อิริยํ ปุฏฺโฐ จ พฺรูหิ มาริสาติ
อิมสฺส นุ โข สารีปุตฺต สงฺขิตฺเตน ภาสิตสฺส กถํ วิตฺถาเรน
อตฺโถ ทฏฺฐพฺโพติ ฯ เอวํ วุตฺเต ๒ ตติยมฺปิ โข อายสฺมา สารีปุตฺโต
ตุณฺหี อโหสิ ฯ
[๑๐๐] ภูตมิทนฺติ สารีปุตฺต ปสฺสสีติ ฯ ภูตมิทนฺติ ภนฺเต
#๑ ม. จสทฺโท นตฺถิ ฯ ยุ. เม ฯ เอวมุปริปิ ฯ ๒ ม. ยุ. อิทํ ปาฐทฺวยํ นตฺถิ ฯ
