อชินจมฺมสทฺเทน วนํ สทฺทายเต ตทา ฯ เอทิสา เต มหาวีร สิสฺสา อุคฺคตปา มม ปริวุโต อหํ เตหิ วสามิ มม อสฺสเม ฯ โตสิตา สกกมฺเมน วินีตาปิ สมาคตา อาราธยึสุ มํ เอเต สกกมฺมาภิลาสิโน ๑ ฯ สีลวนฺโต จ นิปกา อปฺปมญฺญาสุ โกวิทา ปทุมุตฺตโร โลกวิทู อาหุตีนํ ปฏิคฺคโห ฯ สมยํ สํวิทิตฺวาน อุปคญฺฉิ วินายโก อุปคนฺตฺวาน สมฺพุทฺโธ อาตาปี นิปโก มุนิ ฯ ปตฺตํ ปคฺคยฺห สมฺพุทฺโธ ภิกฺขาย สมุปาคมิ ๒ อุปาคตํ มหาวีรํ ชลชุตฺตมนามกํ ๓ ฯ ติณตฺถรํ ๔ ปญฺญาเปตฺวา สาลปุปฺเผหิ โอกิรึ นิสีทิตฺวาน ๕ สมฺพุทฺธํ หฏฺโฐ สํวิคฺคมานโส ฯ ขิปฺปํ ปพฺพตมารุยฺห อคฬฬ อคฺคหึ อหํ กุมฺภมตฺตํ คเหตฺวาน ปนสํ เทวคนฺธิกํ ฯ ขนฺเธ อาโรปยิตฺวาน อุปคญฺฉึ วินายกํ ผลํ พุทฺธสฺส ทตฺวาน อคฬฬ อนุลิมฺปหํ ฯ ปสนฺนจิตฺโต สุมโน พุทฺธเสฏฺฐํ อวนฺทิหํ ปทุมุตฺตโร โลกวิทู อาหุตีนํ ปฏิคฺคโห ฯ #๑ ยุ. สกกมฺมาภิลาภิโน ฯ ๒ ม. ยุ. มมุปาคมิ ฯ ๓ ม. ยุ. ชลชุตฺตมนายกํ ฯ #๔ ม. ติณสนฺถรํ ฯ ๕ ม. นิสาเทตฺวาน ฯ