อถ อนฺเตน ชหติ สรีรํ สปริคฺคหํ เอตทญฺญาย เมธาวี ภุญฺเชถ จ ทเทถ จ ทตฺวา จ ๑ ภุตฺวา จ ยถานุภาวํ อนินฺทิโต สคฺคมุเปติ ฐานนฺติ ฯ ทุติยํ กินฺททสุตฺตํ

---

[๑๓๗] กึทโท พลโท โหติ กึทโท โหติ วณฺณโท กึทโท สุขโท โหติ กึทโท โหติ จกฺขุโท โย ๒ จ สพฺพทโท โหติ ตํ เม อกฺขาหิ ปุจฺฉิโตติ ฯ

---

[๑๓๘] อนฺนโท พลโท โหติ วตฺถโท โหติ วณฺณโท ยานโท สุขโท โหติ ทีปโท โหติ จกฺขุโท โส จ สพฺพทโท โหติ โย ททาติ อุปสฺสยํ อมตนฺทโท จ โส โหติ โย ธมฺมมนุสาสตีติ ฯ ตติยํ อนฺนสุตฺตํ

---

[๑๓๙] อนฺนเมวาภินนฺทนฺติ อุภเย ๓ เทวมานุสา อถ โข ๔ นาม โส ยกฺโข ยํ อนฺนํ นาภินนฺทตีติ ฯ

---

[๑๔๐] เย นํ ททนฺติ สทฺธาย วิปฺปสนฺเนน เจตสา ตเมว อนฺนํ ภชติ อสฺมึ โลเก ปรมฺหิ จ #๑ สี. ยุ. จกาโร นตฺถิ ฯ ๒ ม. ยุ. โก ฯ ๓ สี. ยุ. อุภโย ฯ ๔ ม. ยุ. อถ โก ฯ