น โกจิ วิสหิ คนฺตุํ เจติยํ อภิวนฺทิตุํ ติณกฏฺฐลโตนทฺธํ ปลุคฺคํ อาสิ เจติยํ ฯ วนกมฺมิโก ตทา อาสึ ปิตาเปตามเหนหํ ๑ อทฺทสํ ปวเน ถูปํ ลุคฺคํ ติณลตากุลํ ฯ ทิสฺวานาหํ พุทฺธถูปํ ครุจิตฺตํ อุปฏฺฐหึ พุทฺธเสฏฺฐสฺส ถูโปยํ ปลุคฺโค อจฺฉติ วเน ฯ นจฺฉนฺนํ นปฺปฏิรูปํ ชานนฺตสฺส คุณาคุณํ๕ พุทฺธถูปํ อโสเธตฺวา อญฺญํ กมฺมํ ปโยชเย ฯ ติณกฏฺฐญฺจ วลฺลิญฺจ โสธยิตฺวาน เจติเย วนฺทิตฺวา อฏฺฐ วารานิ ปฏิกุฏิโก อคจฺฉหํ ฯ เตน กมฺเมน สุกเตน เจตนาปณิธีหิ จ ชหิตฺวา มานุสํ เทหํ ตาวตึสํ อคญฺฉหํ ฯ ตตฺถ เม สุกตํ พฺยมฺหํ โสวณฺณํ สปฺปภสฺสรํ สฏฺฐิโยชนมุพฺพิทฺธํ ตึสโยชนวิตฺถตํ ฯ ติสตานิ จ วารานิ เทวรชฺชมการยึ ปญฺจวีสติกฺขตฺตุญฺจ จกฺกวตฺติ อโหสหํ ฯ ภวาภเว สํสรนฺโต มหาโภคํ ลภามหํ โภเค เม อูนตา นตฺถิ โสธนาย อิทํ ผลํ ฯ สิวิยา ๒ หตฺถิขนฺเธน ปวเน คจฺฉโต มม ๓ ยํ ยํ ทิสาหํ คจฺฉามิ สรณํ สมฺปชฺชเต ๔ วนํ ฯ #๑ ม. ปิตุมาตุมเตนหํ ฯ ยุ. ปิตุเปตามเหนหํ ฯ ๒ ม. สิวิกา ฯ ๓ ยุ. มมํ ฯ #๔ ม. สมฺปเต ฯ