สิทฺธตฺโถ จ โลกวิทู อาหุตีนํ ปฏิคฺคโห ภิกฺขุสงฺเฆ ฐิโต สตฺถา อิมํ ๑ คาถํ อภาสถ ฯ โย เม จิตฺตํ ปสาเทตฺวา ปุปฺผฉตฺตํ อธารยิ ๒ เตน จิตฺตปฺปสาเทน ทุคฺคตึ โส น คจฺฉติ ฯ อิทํ วตฺวาน สมฺพุทฺโธ สิทฺธตฺโถ โลกนายโก อุยฺโยเชตฺวาน ปริสํ เวหาสํ นภมุคฺคมิ ฯ อุฏฺฐิเต นรเทวมฺหิ เสตจฺฉตฺตํปิ วุฏฺฐหิ ปุรโต พุทฺธเสฏฺฐสฺส คจฺฉติ ฉตฺตมุตฺตมํ ฯ จตุนวุเต อิโต กปฺเป ยํ ฉตฺตํ อภิโรปยึ ทุคฺคตึ นาภิชานามิ ปุปฺผฉตฺตสฺสิทํ ผลํ ฯ จตุสตฺตติกปฺปมฺหิ อฏฺฐ ชลสิขา อหุ สตฺตรตนสมฺปนฺนา จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปุปฺผฉตฺติโย เถโร อิมา คาถาโย อภาสิตฺถาติ ฯ ปุปฺผฉตฺติยตฺเถรสฺส อปทานํ สมตฺตํ ฯ ทสมํ สปริวารฉตฺตทายกตฺเถราปทานํ (๓๓๐)

---

[๓๓๒] ปทุมุตฺตโร โลกวิทู อาหุตีนํ ปฏิคฺคโห อากาเส ชลวุฏฺฐีว วสฺสเต ธมฺมวุฏฺฐิยา ฯ #๑ โป. ยุ. อิมา คาถา ฯ ๒ ม. อธารยึ ฯ ยุ. อการยึ ฯ