สารุปฺปมตฺตโน วิทิตฺวา น ๑ จ ภิกฺขุ หึเสยฺย กญฺจิ โลเก ยถาตถํ ๒ ธมฺมํ วิทิตฺวา สมฺมา โส โลเก ปริพฺพเชยฺย ฯ ยสฺสานุสยา น สนฺติ เกจิ มูลา ๓ อกุสลา สมูหตา เส โส นิราสโส ๔ อนาสสาโน สมฺมา โส โลเก ปริพฺพเชยฺย ฯ อาสวขีโณ ปหีนมาโน สพฺพํ ราคปถํ อุปาติวตฺโต ทนฺโต ปรินิพฺพุโต ฐิตตฺโต สมฺมา โส โลเก ปริพฺพเชยฺย ฯ สทฺโธ สุตวา นิยามทสฺสี วคฺคคเตสุ น วคฺคสารี ธีโร โลภํ โทสํ วิเนยฺย ปฏิฆํ สมฺมา โส โลเก ปริพฺพเชยฺย ฯ สํสุทฺธชิโน วิวฏจฺฉโท ธมฺเมสุ วสี ปารคู อเนโช #๑ ม. โน ฯ ๒ ม. ยุ. ยถาตถิทํ ฯ ๓ ม. มูลา จ ฯ ๔ วณฺณนายํ นิราโส ฯ #ม. นิราโส อนาสิสาโน ฯ ยุ. นิราสโย อนาสสาโน ฯ