เอกนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กุมุทมาลิโย เถโร อิมา คาถาโย อภาสิตฺถาติ ฯ กุมุทมาลิยตฺเถรสฺส อปทานํ สมตฺตํ ฯ อุทฺทานํ อารกฺขโท โภชนโท คตสญฺญี ปทุมิโก ปุปฺผาสนิ สนฺถวิโก สทฺทสญฺญี ติรํสิโย นาลิโก กุมุที เจว สตฺตปญฺญาส คาถกา ฯ อารกฺขทายกวคฺโค พตฺตึโส ฯ ______________