ตาย วาจาย มธุราย สงฺคณฺหาติ มหาชนํ โฆโส จ วิปุโล อาสิ อาสิ ๑ โส เทวมานุเส ฯ นิคฺโฆสสทฺทํ สุตฺวาน สิทฺธตฺถสฺส มเหสิโน สทฺเท จิตฺตํ ปสาเทตฺวา อวนฺทึ โลกนายกํ ฯ จตุนวุเต อิโต กปฺเป ยํ สญฺญมลภึ ตทา ทุคฺคตึ นาภิชานามิ พุทฺธสญฺญายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สทฺทสญฺญโก เถโร อิมา คาถาโย อภาสิตฺถาติ ฯ สทฺทสญฺญกตฺเถรสฺส อปทานํ สมตฺตํ ฯ อฏฺฐมํ ติรํสิยตฺเถราปทานํ (๓๑๘)

---

[๓๒๐] เกสรึ อภิชาตํว อคฺคิกฺขนฺธํว ปพฺพเต โอภาเสนฺตํ ทิสาสินฺนํ ๒ สิทฺธตฺถํ ปพฺพตนฺตเร ฯ สุริยสฺส จ อาโลกํ จนฺทาโลกํ ตเถว จ พุทฺธาโลกญฺจ ทิสฺวาน ปีติ ๓ เม อุปปชฺชถ ฯ ตโย อาโลเก ทิสฺวาน ทิสฺวาน ๔ สาวกุตฺตมํ เอกํสํ อชินํ กตฺวา สนฺถวึ โลกนายกํ ฯ #๑ ยุ. สเทวมานุเสน โส ฯ ๒ ม. ยุ. ทิสา สพฺพา ฯ ๓ ม. ยุ. วิตฺติ ฯ #๔ ม. สมฺพุทฺธํ สาวกุตฺตมํ ฯ