เอกตฺตึเส อิโต กปฺเป ยํ ทานมททึ ตทา ทุคฺคตึ นาภิชานามิ โภชนสฺส อิทํ ผลํ ฯ ปญฺจวีเส อิโต กปฺเป เอโก อาสึ อมิตฺตโก สตฺตรตนสมฺปนฺโน จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา โภชนทายโก เถโร อิมา คาถาโย อภาสิตฺถาติ ฯ โภชนทายกตฺเถรสฺส อปทานํ สมตฺตํ ฯ ตติยํ คตสญฺญกตฺเถราปทานํ (๓๑๓)

---

[๓๑๕] อากาเสว ปทํ นตฺถิ อมฺพเร อนิลญฺชเส สิทฺธตฺถํ ชินมทฺทกฺขึ คจฺฉนฺตํ ติทิวงฺคณํ ๑ ฯ อนิเลเนริตํ ทิสฺวา สมฺมาสมฺพุทฺธจีวรํ วิตฺติ เม ๒ ปาหุนา ตาว ทิสฺวาน คมนํ มุเน ๓ ฯ จตุนวุเต อิโต กปฺเป ยํ สญฺญมลภึ ตทา ทุคฺคตึ นาภิชานามิ พุทฺธสญฺญายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ #๑ ม. ติทิวงฺคเณ ฯ ๒ ม. วิตฺติ มมาหุ ตาวเท ฯ ยุ. วิตฺติ เม ตาวเท ชาตา ฯ #๓ ม. มุนึ ฯ