นวมํ พุทฺธสญฺญิกตฺเถราปทานํ (๓๐๙)

---

[๓๑๑] อุเทนฺตํ สตรํสีว ปีตรํสีว ภาณุมํ วนนฺตรคตํ สนฺตํ โลกเชฏฺฐํ นราสภํ ฯ อทฺทสํ สุปินนฺเตน สิทฺธตฺถํ โลกนายกํ ตตฺถ จิตฺตํ ปสาเทตฺวา สุคตึ อุปปชฺชหํ ฯ จตุนวุเต อิโต กปฺเป ยํ สญฺญมลภึ ตทา ทุคฺคตึ นาภิชานามิ พุทฺธสญฺญายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา พุทฺธสญฺญิโก เถโร อิมา คาถาโย อภาสิตฺถาติ ฯ พุทฺธสญฺญิกตฺเถรสฺส อปทานํ สมตฺตํ ฯ ทสมํ ปพฺภารทายกตฺเถราปทานํ (๓๑๐)

---

[๓๑๒] ปิยทสฺสิโน ภควโต ปพฺภาโร โสธิโต มยา ฆฏกญฺจ อุปฏฺฐาสึ ปริโภคาย ตาทิโน ฯ ตํ เม พุทฺโธ วิยากาสิ ปิยทสฺสี มหามุนิ สหสฺสกณฺโฑ สตเคณฺฑุ ๑ ธชาลุ หริตามโย ฯ #๑ ม. สตเภณฺฑุ ฯ