ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อารามทายโก เถโร อิมา คาถาโย อภาสิตฺถาติ ฯ อารามทายกตฺเถรสฺส อปทานํ สมตฺตํ ฯ อฏฺฐมํ อนุเลปทายกตฺเถราปทานํ (๓๐๘)

---

[๓๑๐] อตฺถทสฺสิสฺส มุนิโน อทฺทสํ สาวกํ อหํ นวกมฺมํ กโรนฺตสฺส สีมาย อุปคญฺฉหํ ฯ นิฏฺฐิเต นวกมฺเม จ อนุเลปํ อทาสหํ ปสนฺนจิตฺโต สุมโน ปุญฺญกฺเขตฺเต อนุตฺตเร ฯ อฏฺฐารเส กปฺปสเต ยํ กมฺมมกรึ ตทา ทุคฺคตึ นาภิชานามิ อนุเลปสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อนุเลปทายโก เถโร อิมา คาถาโย อภาสิตฺถาติ ฯ อนุเลปทายกตฺเถรสฺส อปทานํ สมตฺตํ ฯ