อิตฺถํ สุทํ อายสฺมา ผลทายโก เถโร อิมา คาถาโย อภาสิตฺถาติ ฯ ผลทายกตฺเถรสฺส อปทานํ สมตฺตํ ฯ ฉฏฺฐํ สมฺปสาทิกตฺเถราปทานํ (๓๐๖)

---

[๓๐๘] นโม เต พุทฺธวีรตฺถุ วิปฺปมุตฺโตสิ สพฺพธิ พฺยสนมฺหิ อนุปฺปตฺโต ตสฺส เม สรณํ ภว ฯ สิทฺธตฺโถ ตสฺส พฺยากาสิ โลเก อปฺปฏิปุคฺคโล มโหทธิสโม สงฺโฆ อปฺปเมยฺโย อนุตฺตโร ฯ ตตฺถ ตฺวํ วิรเช เขตฺเต อนนฺตผลทายเก สงฺเฆ จิตฺตํ ปสาเทหิ ๑ สุวีชํ วาปิ โรปย ฯ อิทํ วตฺวาน สพฺพญฺญู โลกเชฏฺโฐ นราสโภ มเมวํ ๒ อนุสาสิตฺวา เวหาสตลมุคฺคมิ ๓ ฯ อจิรํ คตมตฺตมฺหิ ๔ สพฺพญฺญุมฺหิ นราสเภ มรณํ สมนุปฺปตฺโต ตุสิตํ อุปปชฺชหํ ฯ ตทาหํ วิรเช เขตฺเต อนนฺตผลทายเก สงฺเฆ จิตฺตํ ปสาเทตฺวา กปฺปํ สคฺคมฺหิ โมทหํ ฯ จตุนวุเต อิโต กปฺเป ปสาทมลภึ ตทา ทุคฺคตึ นาภิชานามิ ปสาทสฺส อิทํ ผลํ ฯ #๑ ม. ___ ปสาเทตฺวา สุพีชํ วาป โรปย ฯ # ยุ. ___ ปสาเทตฺวา สุขี พีชญฺจ ___ ฯ #๒ ม. มเมว ฯ ๓ ม. ยุ. เวหาสํ นภมุคฺคมิ ฯ ๔ ยุ. คตมคฺคมฺหิ ฯ