เอกนวุเต อิโต กปฺเป ยํ ธมฺมมสุณึ ตทา ทุคฺคตึ นาภิชานามิ ธมฺมสฺสวนสฺสิทํ ๑ ผลํ ฯ เตตฺตึสมฺหิ อิโต กปฺเป เอโก อาสิ ๒ มหีปติ สุตวา นาม นาเมน จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ธมฺมสญฺญโก เถโร อิมา คาถาโย อภาสิตฺถาติ ฯ ธมฺมสญฺญกตฺเถรสฺส อปทานํ สมตฺตํ ฯ ปญฺจมํ ผลทายกตฺเถราปทานํ (๓๐๕)

---

[๓๐๗] ภาคีรสีนทีตีเร อโหสิ อสฺสโม ตทา ตมหํ อสฺสมาคญฺฉึ ๓ ผลหตฺโถ อเสกฺขวา ๔ ฯ วิปสฺสึ ตตฺถ อทฺทกฺขึ ปีตรํสีว ภาณุมํ ยํ เม อตฺถิ ผลํ สพฺพํ อทาสึ สตฺถุโน อหํ ฯ เอกนวุเต อิโต กปฺเป ยํ ผลํ อททึ ตทา ทุคฺคตึ นาภิชานามิ ผลทานสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ #๑ โป. ยุ. ธมฺมทานสฺสิทํ ___ ฯ ๒ ม. อาสึ ฯ ๓ ม. ยุ. ___ อสฺสมํ คจฺฉึ ฯ #๔ ม. ยุ. อเปกฺขวา ฯ