อญฺชลึ ปคฺคเหตฺวาน อภิเนสึ ๑ สกํ ฆรํ อภิเนตฺวาน ๒ สมฺพุทฺธํ ปรมนฺนมทาสหํ ฯ เอกนวุเต อิโต กปฺเป ปรมนฺนมทึ ตทา ทุคฺคตึ นาภิชานามิ ปรมนฺนสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปรมนฺนทายโก เถโร อิมา คาถาโย อภาสิตฺถาติ ฯ ปรมนฺนทายกตฺเถรสฺส อปทานํ สมตฺตํ ฯ จตุตฺถํ ธมฺมสญฺญกตฺเถราปทานํ (๓๐๔)

---

[๓๐๖] วิปสฺสิโน ภควโต มหาโพธิมโห อหุ รุกฺขฏฺฐสฺเสว สมฺพุทฺโธ โลกเชฏฺโฐ นราสโภ ฯ ภควา ตมฺหิ สมเย ภิกฺขุสงฺฆปุรกฺขโต จตุสจฺจํ ปกาเสติ วาจาสภิมุทีรยํ ฯ สงฺขิตฺเตน จ เทเสนฺโต วิตฺถาเรน จ เทสยิ ๓ วิวฏจฺฉโท สมฺพุทฺโธ นิพฺพาเปสิ มหาชนํ ฯ ตสฺสาหํ ธมฺมํ สุตฺวาน โลกเชฏฺฐสฺส ตาทิโน วนฺทิตฺวา สตฺถุโน ปาเท ปกฺกามิ ๔ อุตฺตรามุโข ฯ #๑ โป. ยุ. อติเนสึ ฯ ๒ โป. ยุ. อติเนตฺวา ฯ ๓ ม. ยุ. เทสยํ ฯ #๔ ม. ยุ. ปกฺกามึ ฯ