อถ วคฺคุทฺทานํ กณิกาโร หตฺถิทโท อาลมฺพนุทกาสนํ ตุวรํ โถมโก เจว อุกฺเขปํ สีสุปธานํ ฯ ปณฺณโท จิตปูชี จ คาถาโย เจว สพฺพโส จตฺตาริ จ สตานีห เอกปญฺญาสเมว จ ฯ ปญฺจวีส สตา สพฺพา ทฺวาสตฺตติ ตทุตฺตริ ตึส ๑ สตานํ ปทานํ คณิตา อตฺถทสฺสิภิ ฯ ตติยํ สตกํ สมตฺตํ ฯ ___________________ เอกตฺตึสติโม ปทุมเกสริยวคฺโค ปฐมํ ปทุมเกสริยตฺเถราปทานํ (๓๐๑)

---

[๓๐๓] อิสิสงฺเฆ อหํ ปุพฺเพ อาสึ มาตงฺควารโณ มเหสีนํ ปสาเทน ปทุมเกสรโมกิรึ ๒ ฯ ปจฺเจกชินเสฏฺเฐสุ ธุตราเคสุ ตาทิสุ เตสุ จิตฺตํ ปสาเทตฺวา กปฺปํ สคฺคมฺหิ โมทหํ ฯ เอกนวุเต อิโต กปฺเป เกสรํ โอกิรึ ตทา ทุคฺคตึ นาภิชานามิ พุทฺธปูชายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ #๑ ม. ติสตํ อปทานานํ ฯ ๒ ม. ปทฺธเกสรโมกิรึ ฯ