ทสมํ อนุสํสาวกตฺเถราปทานํ (๓๐๐)

---

[๓๐๒] ปิณฺฑาย จรมานาหํ วิปสฺสึ อทฺทสํ ชินํ อุลุงฺกภิกฺขํ อทาสึ ๑ ทิปทินฺทสฺส ตาทิโน ฯ ปสนฺนจิตฺโต สุมโน อภิวาเทสหํ ตทา อนุสํสาวยึ พุทฺธํ อุตฺตมตฺถสฺส ปตฺติยา ฯ เอกนวุเต อิโต กปฺเป อนุสํสาวยึ อหํ ทุคฺคตึ นาภิชานามิ อนุสํสาวนาผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อนุสํสาวโก เถโร อิมา คาถาโย อภาสิตฺถาติ ฯ อนุสํสาวกตฺเถรสฺส อปทานํ สมตฺตํ ฯ อุทฺทานํ จิตกํ ปาริฉตฺตญฺจ สทฺทํ โคสีสสนฺถรํ ปทํ ปเทสํ สรณํ อมฺโพ สํสาวโกปิจ สตฺตตาฬีสคาถาโย ๒ คณิตาโย วิภาวิหิ ฯ จิตกปูชกวคฺโค ตึโส ฯ #๑ ม. ยุ. ปาทาสึ ฯ ๒ ม. อฏฺฐตาฬีสคาถาโย ฯ