วิจินนฺโต สกํ ปุตฺตํ อารามํ ๑ ปจฺฉโต มมํ นิพฺพุตสฺส มหนฺตสฺส จิตกํ อคมาสหํ ฯ ปคฺคยฺห อญฺชลึ ตตฺถ วนฺทิตฺวา จิตกํ อหํ เสตจฺฉตฺตญฺจ ปคฺคยฺห อาโรเปสึ อหํ ตทา ฯ จตุนวุเต อิโต กปฺเป ยํ ฉตฺตมภิโรปยึ ทุคฺคตึ นาภิชานามิ ฉตฺตทานสฺสิทํ ผลํ ฯ ปญฺจวีเส อิโต กปฺเป สตฺต อาสุํ ชนาธิปา มหารหสนามา เต จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ฉตฺตทายโก เถโร อิมา คาถาโย อภาสิตฺถาติ ฯ ฉตฺตทายกตฺเถรสฺส อปทานํ สมตฺตํ ฯ จตุตฺถํ สทฺทสญฺญกตฺเถราปทานํ (๒๙๔)

---

[๒๙๖] อนุคฺคตมฺหิ อาทิจฺเจ ปสาโท ๒ วิปุโล อหุ พุทฺธเสฏฺฐสฺส โลกมฺหิ ปาตุภาโว มเหสิโน ฯ สทฺทมสฺโสสหํ ๓ ตตฺถ น จ ปสฺสามิ ตํ ชินํ มรณญฺจ อนุปฺปตฺโต พุทฺธสญฺญมนุสฺสรึ ฯ #๑ ม. ยุ. อาคมํ ฯ ๒ ม. ปนาโท ฯ ๓ ม. โฆสมโสสหํ ___ ฯ โป. น จ #อสฺโสสหํ สทฺทํ ฯ