เอกนวุเต อิโต กปฺเป ยํ กมฺมมกรึ ตทา ทุคฺคตึ นาภิชานามิ โปตฺถทานสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา โปตฺถทายโก เถโร อิมา คาถาโย อภาสิตฺถาติ ฯ โปตฺถทายกตฺเถรสฺส อปทานํ สมตฺตํ ฯ สตฺตมํ จิตกปูชกตฺเถราปทานํ (๒๗๗)

---

[๒๗๙] จนฺทภาคานทีตีเร อนุโสตํ วชามหํ สตฺต มาลุวปุปฺผานิ จิตกาโรปยึ ๑ อหํ ฯ จตุนวุเต อิโต กปฺเป จิตกํ ยํ อปูชยึ ทุคฺคตึ นาภิชานามิ จิตปูชายิทํ ผลํ ฯ สตฺตสฏฺฐิมฺหิโต กปฺเป ปฏิชคฺคสนามโก ๒ สตฺตรตนสมฺปนฺโน ๓ จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา จิตกปูชโก เถโร อิมา คาถาโย อภาสิตฺถาติ ฯ จิตกปูชกตฺเถรสฺส อปทานํ สมตฺตํ ฯ #๑ ม. จิตมาโรปยึ อหํ ฯ ๒ ม. ยุ. ปฏิชคฺคสนามกา ฯ ๓ ม. ยุ. #สตฺตรตสมฺปนฺนา สตฺตาสุํ จกฺกวตฺติโน ฯ