เอกนวุเต อิโต กปฺเป ยํ ทานมททึ ตทา ทุคฺคตึ นาภิชานามิ ติลมุฏฺฐิยิทํ ๑ ผลํ ฯ อิโต โสฬสกปฺปมฺหิ คนฺธิโย ๒ นาม ขตฺติโย สตฺตรตนสมฺปนฺโน จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ติลมุฏฺฐิโย ๓ เถโร อิมา คาถาโย อภาสิตฺถาติ ฯ ติลมุฏฺฐิยตฺเถรสฺส อปทานํ สมตฺตํ ฯ ตติยํ จงฺโกฏกิยตฺเถราปทานํ (๒๗๓)

---

[๒๗๕] มหาสมุทฺทํ นิสฺสาย วสติ ปพฺพตนฺตเร ปจฺจุคฺคนฺตฺวาน กามหํ ๔ จงฺโกฏกมทาสหํ ฯ สิทฺธตฺถสฺส มเหสิโน สยมฺภุสฺสานุกมฺปิโน ๕ ปุปฺผจงฺโกฏกํ ทตฺวา กปฺปํ สคฺคมฺหิ โมทหํ ฯ จตุนวุเต อิโต กปฺเป จงฺโกฏกมทํ ตทา ทุคฺคตึ นาภิชานามิ จงฺโกฏกสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ #๑ ยุ. ติลมุฏฺเฐ อิทํ ผลํ ฯ ๒ ม. ตนฺติโส ฯ ยุ. นนฺทิโย ฯ ๓ ม. ยุ. #ติลมุฏฺฐิทายโก ฯ ๔ ม. กตฺวาน ฯ ๕ ม. สพฺพสตฺตานุกมฺปิโน ฯ ยุ. #สพฺพภูตานุกมฺปิโน ฯ