จตุนวุเต อิโต กปฺเป ยํ มจฺฉมททึ ตทา ทุคฺคตึ นาภิชานามิ มจฺฉทานสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา มจฺฉทายโก เถโร อิมา คาถาโย อภาสิตฺถาติ ฯ มจฺฉทายกตฺเถรสฺส อปทานํ สมตฺตํ ฯ สตฺตมํ ชวหํสกตฺเถราปทานํ (๒๖๗)

---

[๒๖๙] จนฺทภาคานทีตีเร อาสึ วนจโร ตทา สิทฺธตฺถํ อทฺทสํ พุทฺธํ คจฺฉนฺตํ อนิลญฺชเส ฯ อญฺชลึ ปคฺคเหตฺวาน โอโลเกนฺโต ๑ มหามุนึ สกํ จิตฺตํ ปสาเทตฺวา อภิวนฺทึ ๒ โลกนายกํ ฯ จตุนวุเต อิโต กปฺเป ยํ อวนฺทึ นราสภํ ทุคฺคตึ นาภิชานามิ วนฺทนาย อิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ชวหํสโก เถโร อิมา คาถาโย อภาสิตฺถาติ ฯ ชวหํสกตฺเถรสฺส อปทานํ สมตฺตํ ฯ #๑ ม. ยุ. อุลฺโลเกนฺโต ฯ ๒ ม. ยุ. อวนฺทึ นายกํ อหํ ฯ