ปญฺจมํ วิฬาลิทายกตฺเถราปทานํ (๒๖๕)

---

[๒๖๗] หิมวนฺตสฺส อวิทูเร โรมโส นาม ปพฺพโต ตมฺหิ ปพฺพตปาทมฺหิ สมโณ ภาวิตินฺทฺริโย ฯ วิฬาลิโย คเหตฺวาน สมณสฺส อทาสหํ อนุโมทิ มหาวีโร สยมฺภู อปราชิโต ฯ วิฬาลิ เต มม ๑ ทินฺนา วิปฺปสนฺเนน เจตสา ภเว นิพฺพตฺตมานมฺหิ ผลํ นิพฺพตฺตตํ ตว ฯ จตุนวุเต อิโต กปฺเป ยํ วิฬาลิมทาสหํ ทุคฺคตึ นาภิชานามิ วิฬาลิยา อิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา วิฬาลิทายโก เถโร อิมา คาถาโยฉ อภาสิตฺถาติ ฯ วิฬาลิทายกตฺเถรสฺส อปทานํ สมตฺตํ ฯ ฉฏฺฐํ มจฺฉทายกตฺเถราปทานํ (๒๖๖)

---

[๒๖๘] จนฺทภาคานทีตีเร อโหสึ ๒ อุกฺกุโส ตทา มหนฺตํ มจฺฉํ ปคฺคยฺห สิทฺธตฺถสฺส มุนิโน อทํ ฯ #๑ โป. มยฺหํ ทินฺนํ ฯ ยุ. มมํ ทินฺนา ฯ ๒ ม. ยุ. อุกฺกุโส อาสหํ ตทา ฯ