พระสุตันตปิฎกบาลี: 13/351/366
สุตฺตนฺตปิฏเก มชฺฌิมนิกายสฺส มชฺฌิมปณฺณาสก
อารภติ จิตฺตํ ปคฺคณฺหาติ ปทหติ ฯ เอวํ ปฏิปนฺโน โข ถปติ
กุสลานํ สงฺกปฺปานํ นิโรธาย ปฏิปนฺโน โหติ ฯ
[๓๖๖] กตเมหิ
[๑] ถปติ ทสหิ ธมฺเมหิ สมนฺนาคตํ ปุริสปุคฺคลํ
ปญฺญาเปมิ สมฺปนฺนกุสลํ ปรมกุสลํ อุตฺตมปฺปตฺติปตฺตํ สมณํ
อโยชฺฌํ ฯ อิธ ถปติ ภิกฺขุ อเสขาย สมฺมาทิฏฺฐิยา สมนฺนาคโต
โหติ อเสเขน สมฺมาสงฺกปฺเปน สมนฺนาคโต โหติ อเสขาย
สมฺมาวาจาย สมนฺนาคโต โหติ อเสเขน สมฺมากมฺมนฺเตน
สมนฺนาคโต โหติ อเสเขน สมฺมาอาชีเวน สมนฺนาคโต โหติ
อเสเขน สมฺมาวายาเมน สมนฺนาคโต โหติ อเสขาย สมฺมาสติยา
สมนฺนาคโต โหติ อเสเขน สมฺมาสมาธินา สมนฺนาคโต
โหติ อเสเขน สมฺมาญาเณน สมนฺนาคโต โหติ อเสขาย
สมฺมาวิมุตฺติยา สมนฺนาคโต โหติ ฯ อิเมหิ โข อหํ ถปติ
ทสหิ ธมฺเมหิ สมนฺนาคตํ ปุริสปุคฺคลํ ปญฺญาเปมิ สมฺปนฺนกุสลํ
ปรมกุสลํ อุตฺตมปฺปตฺติปตฺตํ สมณํ อโยชฺฌนฺติ ฯ
อิทมโวจ ภควา อตฺตมโน ปญฺจกงฺโค ถปติ ภควโต
ภาสิตํ อภินนฺทีติ ฯ
สมณมุณฺฑิกสุตฺตํ ๒ นิฏฺฐิตํ อฏฺฐมํ
_______________
#๑ ยุ. เอตฺถนฺตเร จาหนฺติ ทิสฺสติ ฯ ๒ ยุ. สมณมณฺฑิกสุตฺตํ ฯ
