เอกตฺตึเส อิโต กปฺเป ยํ ปุปฺผมภิโรปยึ ทุคฺคตึ นาภิชานามิ ปุปฺผทานสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุทฺทาลทายโก เถโร อิมา คาถาโย อภาสิตฺถาติ ฯ อุทฺทาลทายกตฺเถรสฺส อปทานํ สมตฺตํ ฯ อุทฺทานํ ตุวรฏฺฐินาคปุฬินา วิรวิกุฏิธูปโก ปตฺโต ธาตุสตฺตลิโย พิมฺพิ อุทฺทาลเกน จ สตฺตตึสติ คาถาโย คณิตาโย วิภาวิหีติ ฯ ตุวรทายิวคฺโค ปญฺจวีโส ฯ ____________________