นวมํ ชคติการกตฺเถราปทานํ (๒๓๙)

---

[๒๔๑] นิพฺพุเต โลกนาถมฺหิ อตฺถทสฺสีนรุตฺตเม ชคตี การิตา มยฺหํ พุทฺธสฺส ถูปมุตฺตเม ฯ อฏฺฐารเส กปฺปสเต ยํ กมฺมมกรึ ตทา ทุคฺคตึ นาภิชานามิ ชคติยา อิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ชคติการโก เถโร อิมา คาถาโย อภาสิตฺถาติ ฯ ชคติการกตฺเถรสฺส อปทานํ สมตฺตํ ฯ ทสมํ วาสิทายกตฺเถราปทานํ (๒๔๐)

---

[๒๔๒] กมฺมาโรหํ ปุเร อาสึ ติวรายํ ปุรุตฺตเม เอกา วาสิ มยา ทินฺนา สยมฺภุํ อปราชิตํ ฯ จตุนวุเต อิโต กปฺเป ยํ วาสิมททึ ตทา ทุคฺคตึ นาภิชานามิ วาสิทานสฺสิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ