พระสุตันตปิฎกบาลี: 32/323/229 230
สุตฺตนฺตปิฏเก ขุทฺทกนิกายสฺส อปทานภาค ๑
สตฺตมํ โสวณฺณวฏํสกิยตฺเถราปทานํ (๒๒๗)
[๒๒๙] อุยฺยานภูมึ นิยฺยนฺโต อทฺทสํ โลกนายกํ
วฏํสกํ คเหตฺวาน โสวณฺณํ สาธุนิมฺมิตํ ฯ
สีฆํ คโต ๑ สมารุยฺห หตฺถิกฺขนฺธคโต อหํ
พุทฺธสฺส อภิโรเปสึ สิขิโน โลกพนฺธุโน ฯ
เอกตฺตึเส อิโต กปฺเป ยํ ปุปฺผมภิโรปยึ
ทุคฺคตึ นาภิชานามิ พุทฺธปูชายิทํ ผลํ ฯ
สตฺตวีเส อิโต กปฺเป เอโก อาสึ ชนาธิโป
มหาปตาโป นาเมน จกฺกวตฺติ มหพฺพโล ฯ
ปฏิสมฺภิทา จตสฺโส วิโมกฺขาปิจ อฏฺฐิเม
ฉฬภิญฺญา สจฺฉิกตา กตํ พุทฺธสฺส สาสนนฺติ ฯ
อิตฺถํ สุทํ อายสฺมา โสวณฺณวฏํสกิโย เถโร อิมา คาถาโย
อภาสิตฺถาติ ฯ
โสวณฺณวฏํสกิยตฺเถรสฺส อปทานํ สมตฺตํ ฯ
อฏฺฐมํ มิญฺชวฏํสกิยตฺเถราปทานํ (๒๒๘)
[๒๓๐] นิพฺพุเต โลกนาถมฺหิ สิขิมฺหิ วทตํ วเร
วฏํสเกหิ อากิณฺณํ โพธิปูชํ อกาสหํ ฯ
#๑ ม. ตโต ฯ ยุ ... สมารูโฬฺห ฯ
