พระสุตันตปิฎกบาลี: 32/318/223 224
สุตฺตนฺตปิฏเก ขุทฺทกนิกายสฺส อปทานภาค ๑
เตวีสติโม อาลมฺพนทายกวคฺโค
ปฐมํ อาลมฺพนทายกตฺเถราปทานํ (๒๒๑)
[๒๒๓] อตฺถทสฺสิสฺส ภควโต โลกเชฏฺฐสฺส ตาทิโน
อาลมฺพนํ มยา ทินฺนํ ทิปทินฺทสฺส ตาทิโน ฯ
ธรณึ ปฏิปชฺชามิ วิปุลํ สาครปฺปรํ ๑
ปาเณสุ จ อิสฺสริยํ วตฺเตมิ วสุธาย จ ฯ
กิเลสา ฌาปิตา มยฺหํ ภวา สพฺเพ สมูหตา
ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ
อิโต เทฺวสฏฺฐิกปฺปมฺหิ ตโย อาสึสุ ขตฺติยาf
เอกาทสฺสิตนามา ๒ เต จกฺกวตฺตี มหพฺพลา ฯ
ปฏิสมฺภิทา จตสฺโส วิโมกฺขาปิจ อฏฺฐิเม
ฉฬภิญฺญา สจฺฉิกตา กตํ พุทฺธสฺส สาสนนฺติ ฯ
อิตฺถํ สุทํ อายสฺมา อาลมฺพนทายโก เถโร อิมา คาถาโย
อภาสิตฺถาติ ฯ
อาลมฺพนทายกตฺเถรสฺส อปทานํ สมตฺตํ ฯ
ทุติยํ อชินทายกตฺเถราปทานํ (๒๒๒)
[๒๒๔] เอกตฺตึเส อิโต กปฺเป คณสนฺถารโก อหํ
อทฺทสํ วิรชํ พุทฺธํ อาหุตีนํ ปฏิคฺคหํ ฯ
#๑ โป. สาครมฺพุทฺธํ ฯ ยุ. สาครมฺพรํ ฯ ๒ ม. ยุ. เอกาปสฺสิตนามา ฯ
