ทิสฺวา มํ สุปสนฺนนฺตํ อิทฺธิยา ปารมึ คโต นภํ อพฺภุคฺคมิ วีโร หํสราชาว อมฺพเร ฯ จตุนวุเต อิโต กปฺเป ยํ ทานมททึ ตทา ทุคฺคตึ นาภิชานามิ สปฺปิเตลสฺสิทํ ผลํ ฯ อิโต สตฺตรเส กปฺเป ทุติเทวสนามโก สตฺตรตนสมฺปนฺโน จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สปฺปิทายโก เถโร อิมา คาถาโย อภาสิตฺถาติ ฯ สปฺปิทายกตฺเถรสฺส อปทานํ สมตฺตํ ฯ ทสมํ ปาปนิวาริยตฺเถราปทานํ (๒๒๐)

---

[๒๒๒] ปิยทสฺสิสฺส ภควโต จงฺกมํ โสธิตํ มยา นฬเกหิ ปฏิจฺฉนฺนํ วาตาตปนิวารณํ ฯ ปาปํ วิวชฺชนตฺถาย กุสลสฺสูปสมฺปทา กิเลสานํ ปหานาย ปทหึ สตฺถุสาสเน ฯ อิโต เอกาทเส กปฺเป อคฺคิเตโชติ ๑ วิสฺสุโต สตฺตรตนสมฺปนฺโน จกฺกวตฺติ มหพฺพโล ฯ #๑ ม. ยุ. อคฺคิเทโวติ ฯ