วลาหกสํยุตฺตํ

---

[๕๔๒] สาวตฺถี ฯ วลาหกกายิเก เทเว โว ภิกฺขเว เทสิสฺสามิ ๑ ตํ สุณาถ ฯเปฯ กตเม จ ภิกฺขเว วลาหกกายิกา เทวา ฯ สนฺติ ภิกฺขเว สีตวลาหกา เทวา สนฺติ ภิกฺขเว อุณฺหวลาหกา เทวา สนฺติ ภิกฺขเว อพฺภวลาหกา เทวา สนฺติ ภิกฺขเว วาตวลาหกา เทวา สนฺติ ภิกฺขเว วสฺสวลาหกา เทวา ฯ อิเม วุจฺจนฺติ ภิกฺขเว วลาหกกายิกา เทวาติ ฯ

---

[๕๔๓] สาวตฺถี ฯ อถ โข อญฺญตโร ภิกฺขุ เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ เอกมนฺตํ นิสินฺโน โข โส ภิกฺขุ ภควนฺตํ เอตทโวจ โก นุ โข ภนฺเต เหตุ โก ปจฺจโย เยน มิเธกจฺโจ กายสฺส เภทา ปรํ มรณา วลาหกกายิกานํ เทวานํ สหพฺยตํ อุปปชฺชตีติ ฯ อิธ ภิกฺขุ เอกจฺโจ กาเยน สุจริตํ จรติ วาจาย สุจริตํ จรติ มนสา สุจริตํ จรติ ตสฺส สุตํ โหติ วลาหกกายิกา เทวา ทีฆายุกา วณฺณวนฺโต สุขพหุลาติ ฯ ตสฺส เอวํ โหติ อโห วตาหํ กายสฺส เภทา ปรํ มรณา วลาหกกายิกานํ เทวานํ สหพฺยตํ อุปปชฺเชยฺยนฺติ ฯ โส อนฺนํ เทติ ปานํ เทติ วตฺถํ เทติ ยานํ เทติ มาลํ เทติ คนฺธํ เทติ วิเลปนํ เทติ เสยฺยํ เทติ อาวสถํ เทติ ปทีเปยฺยํ เทติ ฯ โส กายสฺส เภทา ปรํ มรณา วลาหก- #๑ ม. โว ภิกฺขเว เทเว เทเสสฺสามิ ฯ