พระสุตันตปิฎกบาลี: 32/313/218 219
สุตฺตนฺตปิฏเก ขุทฺทกนิกายสฺส อปทานภาค ๑
ฉฏฺฐํ สนฺธิตตฺเถราปทานํ (๒๑๖)
[๒๑๘] อสฺสตฺเถ หริโตภาเส สํวิรูฬฺหมฺหิ ปาทเป
เอกํ พุทฺธคตํ สญฺญํ อลภิตฺถํ ๑ ปฏิสฺสโต ฯ
เอกตฺตึเส อิโต กปฺเป ยํ สญฺญมลภึ ตทา
[๒]
ตสฺสา สญฺญาย วาหสา ปตฺโต เม อาสวกฺขโย ฯ
อิโต เตรสกปฺปมฺหิ วนิทฺโธ ๓ นาม ขตฺติโย
สตฺตรตนสมฺปนฺโน จกฺกวตฺติ มหพฺพโล ฯ
ปฏิสมฺภิทา จตสฺโส วิโมกฺขาปิจ อฏฺฐิเม
ฉฬภิญฺญา สจฺฉิกตา กตํ พุทฺธสฺส สาสนนฺติ ฯ
อิตฺถํ สุทํ อายสฺมา สนฺธิโต เถโร อิมา คาถาโย
อภาสิตฺถาติ ฯ
สนฺธิตตฺเถรสฺส อปทานํ สมตฺตํ ฯ
สตฺตมํ ตาลวณฺฏทายกตฺเถราปทานํ (๒๑๗)
[๒๑๙] ตาลวณฺฏํ มยา ทินฺนํ ติสฺสสฺส ทิพฺพจกฺขุโน ๔
คิมฺหํ นิพฺพาปนตฺถาย ปริฬาโหปสนฺติยา ฯ
สนฺนิพฺพาเปมิ ราคคฺคึ โทสคฺคิญฺจ ตทุตฺตรึ
นิพฺพาเปมิ จ โมหคฺคึ ตาลวณฺฏสฺสิทํ ผลํ ฯ
#๑ ม. อลภึหํ ฯ ๒ ยุ. ทุคฺคตึ นาภิชานามิ พุทฺธสญฺญายิทํ ผลํ ฯ
#๓ ม. ยุ. ธนิฏฺโฐ ฯ ๔ โป. ม. ยุ. ติสฺสสฺสาทิจฺจพนฺธุโน ฯ
