เตน กมฺเมน ทิปทินฺท โลกเชฏฺฐ นราสภ ทิพฺพยานํ อนุโภมิ ปุพฺพกมฺมสฺสิทํ ผลํ ฯ จตุนวุเต ๑ อิโต กปฺเป ยํ กมฺมมกรึ ตทา ทุคฺคตึ นาภิชานามิ ปานธิสฺส อิทํ ผลํ ฯ สตฺตสตฺตติมฺหิโต กปฺเป อฏฺฐ อาสึสุ ขตฺติยา สุยานา นาม นาเมน จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ปานธิทายโก เถโร อิมา คาถาโย อภาสิตฺถาติ ฯ ปานธิทายกตฺเถรสฺส อปทานํ สมตฺตํ ฯ ตติยํ สจฺจสญฺญกตฺเถราปทานํ (๒๑๓)

---

[๒๑๕] เวสฺสภู นาม ภควา ๒ ภิกฺขุสงฺฆปุรกฺขโต เทเสติ อริยสจฺจานิ นิพฺพาเปนฺโต มหาชนํ ฯ ปรมการุญฺญปตฺโตมฺหิ สมิตึ อคมาสหํ โสหํ นิสินฺนโก สนฺโต ธมฺมํ อสฺโสสิ สตฺถุโน ตสฺสาหํ ธมฺมํ สุตฺวาน เทวโลกํ อคจฺฉหํ ตึส กปฺปานิ เทเวสุ อวสึ ตตฺถหํ ปุเร ฯ #๑ ยุ. เอกูนวุเต ฯ ๒ ม. ยุ. เวสฺสภู ตมฺหิ สมเย ฯ