พาวีสติโม หตฺถิวคฺโค ปฐมํ หตฺถิทายกตฺเถราปทานํ (๒๑๑)

---

[๒๑๓] สิทฺธตฺถสฺส ภควโต ทิปทินฺทสฺส ตาทิโน นาคเสฏฺโฐ มยา ทินฺโน อีสาทนฺโต อุรูฬฺหโว ฯ อุตฺตมตฺถํ อนุโภมิ สนฺติปทมนุตฺตรํ นาคทานํ มยา ทินฺนํ สพฺพโลกหิเตสิโน ฯ จตุนวุเต อิโต กปฺเป ยํ นาคมททึ ตทา ทุคฺคตึ นาภิชานามิ นาคทานสฺสิทํ ผลํ ฯ อฏฺฐสตฺตติกปฺปมฺหิ โสฬสาสึสุ ขตฺติยา สมนฺตปาสาทิกา นาม จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา หตฺถิทายโก เถโร อิมา คาถาโย อภาสิตฺถาติ ฯ หตฺถิทายกตฺเถรสฺส อปทานํ สมตฺตํ ฯ ทุติยํ ปานธิทายกตฺเถราปทานํ (๒๑๒)

---

[๒๑๔] อรญฺญิกสฺส ฌายิโน เมตฺตจิตฺตตปสฺสิโน ๑ ธมฺมสฺส ๒ ภาวิตตฺตสฺส อทาสึ ปานธึ อหํ ฯ #๑ ม. ยุ. อรญฺญิกสฺส อิสิโน จิรรตฺตตปสฺสิโน ฯ ๒ ม. วุทฺธสฺส ฯ ยุ. วทฺธสฺส ฯ