นวมํ อาธารทายกตฺเถราปทานํ (๒๐๙)

---

[๒๑๑] อาธารกํ มยา ทินฺนํ สิขิโน โลกพนฺธุโน ธาเรมิ ปฐวึ สพฺพํ เกวลํ วสุธํ อิมํ ฯ กิเลสา ฌาปิตา มยฺหํ ภวา สพฺเพ สมูหตา ธาเรมิ อนฺติมํ เทหํ สมฺมาสมฺพุทฺธสาสเน ฯ สตฺตวีเส อิโต กปฺเป อเหสุํ จตุโร ชนา สมนฺตวรุณา ๑ นาม จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อาธารทายโก เถโร อิมา คาถาโย อภาสิตฺถาติ ฯ อาธารทายกตฺเถรสฺส อปทานํ สมตฺตํ ฯ ทสมํ ปาปนิวาริยตฺเถราปทานํ ๒ (๒๑๐)

---

[๒๑๒] ติสฺสสฺส ๓ หิ ๔ ภควโต เทวเทวสฺส ตาทิโน ฯ เอกจฺฉตฺตํ มยา ทินฺนํ วิปฺปสนฺเนน เจตสา ฯ นิวุตํ โหติ เม ปาปํ กุสลสฺสูปสมฺปทา อากาเส ฉตฺตํ ธาเรนฺติ ปุพฺพกมฺมสฺสิทํ ผลํ ฯ #๑ ม. สมนฺตวรณา นาม ฯ ๒ ยุ. วาตาตปนิวาริย ... ฯ ๓ ยุ. ติสฺสสฺสาหํ ฯ #๔ ม. ตุ ฯ