ปญฺจมํ นิคฺคุณฺฑิปุปฺผิยตฺเถราปทานํ (๒๐๕)

---

[๒๐๗] วิปสฺสิสฺส ภควโต อาสึ อารามิโก อหํ นิคฺคุณฺฑิปุปฺผํ ปคฺคยฺห พุทฺธสฺส อภิโรปยึ ฯ เอกนวุเต อิโต กปฺเป ยํ ปุปฺผมภิโรปยึ ฯ ทุคฺคตึ นาภิชานามิ พุทฺธปูชายิทํ ผลํ ฯ ปญฺจตฺตึเส ๑ อิโต กปฺเป เอโก อาสึ ชนาธิโป มหาปตาโป นาเมน จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา นิคฺคุณฺฑิปุปฺผิโย เถโร อิมา คาถาโย อภาสิตฺถาติ ฯ นิคฺคุณฺฑิปุปฺผิยตฺเถรสฺส อปทานํ สมตฺตํ ฯ ฉฏฺฐํ อุทกทายกตฺเถราปทานํ

---

[๒๐๖]

---

[๒๐๘] ภุญฺชนฺตํ สมณํ ทิสฺวา วิปฺปสนฺนมนาวิลํ ฆเฏโนทกมาทาย สิทฺธตฺถสฺส อทาสหํ ฯ นิมฺมโล โหมหํ อชฺช วิมโล ขีณสํสโย ภเว นิพฺพตฺตมานมฺหิ ผลํ นิพฺพตฺตเต มม ฯ #๑ ม. ปญฺจวีเส ฯ