อิตฺถํ สุทํ อายสฺมา ติกณฺฑิปุปฺผิโย เถโร อิมา คาถาโย อภาสิตฺถาติ ฯ ติกณฺฑิปุปฺผิยตฺเถรสฺส อปทานํ สมตฺตํ ฯ ทสมํ ยูถิกปุปฺผิยตฺเถราปทานํ (๒๐๐)

---

[๒๐๒] ปทุมุตฺตโร นาม ชิโน อาหุตีนํ ปฏิคฺคโห ปวนา นิกฺขมิตฺวาน วิหารํ ยาติ จกฺขุมา ฯ อุโภหตฺเถหิ ปคฺคยฺห ยูถิกํ ปุปฺผมุตฺตมํ พุทฺธสฺส อภิโรเปสึ เมตฺตจิตฺตสฺส ตาทิโน ฯ เตน จิตฺตปฺปสาเทน อนุโภตฺวาน สมฺปทา กปฺปานํ สตสหสฺสํ ทุคฺคตึ นูปปชฺชหํ ฯ อิโต ปญฺญาสกปฺเปสุ เอโก อาสิ ๑ ชนาธิโป สมิตนนฺทโน นาม จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ยูถิกปุปฺผิโย เถโร อิมา คาถาโย อภาสิตฺถาติ ฯ ยูถิกปุปฺผิยตฺเถรสฺส อปทานํ สมตฺตํ ฯ #๑ โป. ม. อาสึ ฯ