นาคสํยุตฺตํ

---

[๕๑๘] สาวตฺถี ฯ ตตฺร โข ฯ จตสฺโส อิมา ภิกฺขเว นาคโยนิโย ฯ กตมา จตสฺโส ฯ อณฺฑชา นาคา ชลาพุชา ๑ นาคา สํเสทชา นาคา อุปปาติกา ๒ นาคา ฯ อิมา โข ภิกฺขเว จตสฺโส นาคโยนิโยติ ฯ

---

[๕๑๙] สาวตฺถี ฯ จตสฺโส อิมา ภิกฺขเว นาคโยนิโย ฯ กตมา จตสฺโส ฯ อณฺฑชา นาคา ชลาพุชา นาคา สํเสทชา นาคา อุปปาติกา นาคา ฯ ตตฺร ภิกฺขเว อณฺฑเชหิ นาเคหิ ชลาพุชา จ สํเสทชา จ อุปปาติกา จ นาคา ปณีตตรา ฯ ตตฺร ภิกฺขเว อณฺฑเชหิ จ ชลาพุเชหิ จ นาเคหิ สํเสทชา จ อุปปาติกา จ นาคา ปณีตตรา ฯ ตตฺร ภิกฺขเว อณฺฑเชหิ จ ชลาพุเชหิ จ สํเสทเชหิ จ นาเคหิ อุปปาติกา นาคา ปณีตตรา ฯ อิมา โข ภิกฺขเว จตสฺโส นาคโยนิโยติ ฯ

---

[๕๒๐] เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม ฯ อถ โข อญฺญตโร ภิกฺขุ เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ เอกมนฺตํ นิสินฺโน โข โส ภิกฺขุ ภควนฺตํ เอตทโวจ โก นุ โข ภนฺเต เหตุ โก ปจฺจโย เยน มิเธกจฺเจ อณฺฑชา นาคา อุโปสถํ อุปวสนฺติ โวสฺสฏฺฐกายา ๓ จ ภวนฺตีติ ฯ อิธ ภิกฺขุ #๑ โป. ชลมฺพุชา ฯ ๒ ม. ยุ. โอปปาติกา ฯ ๓ ยุ. โอสฺสฏฺฐกายา ฯ