อิตฺถํ สุทํ อายสฺมา เอกจาริโย เถโร อิมา คาถาโย อภาสิตฺถาติ ฯ เอกจาริยตฺเถรสฺส อปทานํ สมตฺตํ ฯ ทสมํ ติวณฺฏิปุปฺผิยตฺเถราปทานํ (๑๙๐)

---

[๑๙๒] อภิภุํ ๑ เถรํ ปนิชฺฌาม สพฺเพ สงฺคมฺม เต มยํ ๒ เตสํ นิชฺฌายมานานํ ปริฬาโห อชายถ ฯ สุนนฺโท นาม นาเมน พุทฺธสฺส สาวโก ตทา ธมฺมทสฺสิสฺส มุนิโน อาคญฺฉิ มม สนฺติเก ฯ เย เม ปฏฺฐจรา อาสุํ เต เม ปุปฺผํ อทุํ ตทา ตาหํ ปุปฺผํ คเหตฺวาน สาวเก อภิโรปยึ ฯ โสหํ กาลํ กโต ตตฺถ ปุนาปิ อุปปชฺชหํ อฏฺฐารเส กปฺปสเต วินิปาตํ น คญฺฉหํ ฯ เตรเสโต กปฺปสเต อฏฺฐาสุํ ธูมเกตุโน สตฺตรตนสมฺปนฺนา จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ติวณฺฏิปุปฺผิโย เถโร อิมา คาถาโย อภาสิตฺถาติ ฯ ติวณฺฏิปุปฺผิยตฺเถรสฺส อปทานํ สมตฺตํ ฯ #๑ ม. อภิภูตํ ปนิชฺฌนฺติ ฯ ยุ. อภิภุํ โว ปนิชฺฌนฺติ ฯ ๒ ม. ... มมํ ฯ