เอกูนวีสติโม กุฏชปุปฺผิยวคฺโค ปฐมํ กุฏชปุปฺผิยตฺเถราปทานํ (๑๘๑)

---

[๑๘๓] สุวณฺณวณฺณํ สมฺพุทฺธํ สตรํสีว อุตฺตมํ ๑ ทิสํ อนุวิโลเกนฺตํ คจฺฉนฺตํ อนิลญฺชเส ฯ กุฏชํ ปุปฺผิตํ ทิสฺวา สํวิตฺถกสโมตฺถกํ ๒ รุกฺขโต โอจินิตฺวาน ผุสฺสสฺส อภิโรปยึ ฯ เทฺวนวุเต อิโต กปฺเป ยํ ปุปฺผํ อภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ อิโต สตฺตรเส กปฺเป ตโย อาสึสุ ๓ ปุปฺผิตา สตฺตรตนสมฺปนฺนา จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กุฏชปุปฺผิโย เถโร อิมา คาถาโย อภาสิตฺถาติ ฯ กุฏชปุปฺผิยตฺเถรสฺส อปทานํ สมตฺตํ ฯ ทุติยํ พนฺธุชีวกตฺเถราปทานํ (๑๘๒)

---

[๑๘๔] โสภิโต ๔ นาม สมฺพุทฺโธ สยมฺภู สพฺภิวณฺณิโต สมาธึ โส สมาปนฺโน นิสีทิ ปพฺพตนฺตเร ฯ #๑ ม. ยุ. อุคฺคตํ ฯ ๒ ม. สํวิตถตสโมตฺถตํ ฯ ยุ. หํ วิตฺถตสโมตฺถฏํ ฯ #๓ ม. ตโย อาสุํ สุปุปฺผิตา ฯ ๔ ม. ยุ. สิทฺธตฺโถ ฯ