พระสุตันตปิฎกบาลี: 15/256/680 681
สุตฺตนฺตปิฏเก สํยุตฺตนิกายสฺส สคาถวคฺโค
[๖๘๐] ปุนปฺปุนํ เจว วปนฺติ พีชํ
ปุนปฺปุนํ วสฺสติ เทวราชา
ปุนปฺปุนํ เขตฺตํ กสนฺติ กสฺสกา
ปุนปฺปุนํ ธญฺญมุเปนฺติ รฏฺฐํ
ปุนปฺปุนํ ยาจกา ยาจยนฺติ
ปุนปฺปุนํ ทานปตี ททนฺติ
ปุนปฺปุนํ ทานปตี ททิตฺวา
ปุนปฺปุนํ สคฺคมุเปนฺติ ฐานํ
ปุนปฺปุนํ ขีรณิกา ทุหนฺติ
ปุนปฺปุนํ วจฺโฉ อุเปติ มาตรํ
ปุนปฺปุนํ กิลมติ ผนฺทติ จ
ปุนปฺปุนํ คพฺภมุเปติ มนฺโท
ปุนปฺปุนํ ชายติ มิยฺยติ จ
ปุนปฺปุนํ สีวถิกํ หรนฺติ
มคฺคญฺจ ลทฺธา อปุนพฺภวาย
ปุนปฺปุนํ ๑ ชายติ ภูริปญฺโญติ ฯ
[๖๘๑] เอวํ วุตฺเต อุทโย พฺราหฺมโณ ภควนฺตํ เอตทโวจ
อภิกฺกนฺตํ โภ โคตม อภิกฺกนฺตํ โภ โคตม ฯเปฯ อุปาสกํ มํ
ภวํ โคตโม ธาเรตุ อชฺชตคฺเค ปาณุเปตํ สรณงฺคตนฺติ ฯ
#๓ ม. ยุ. นสทฺโท ทิสฺสติ ฯ
