สจกฺขุ นาม นาเมน ทฺวาทส จกฺกวตฺติโน สตฺตรตนสมฺปนฺนา ปญฺจกปฺปสเต อิโต ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา มคฺคสญฺญโก เถโร อิมา คาถาโย อภาสิตฺถาติ ฯ มคฺคสญฺญกตฺเถรสฺส อปทานํ สมตฺตํ ฯ นวมํ ปจฺจุปฏฺฐานสญฺญกตฺเถราปทานํ (๑๑๙)

---

[๑๒๑] อตฺถทสฺสิมฺหิ สุคเต นิพฺพุเต สมนนฺตรา ยกฺขโยนึ อุปปชฺชึ ยสํ ปตฺโต จหํ ตทา ฯ ทุลฺลทฺธํ วต เม อาสิ ทุปฺปภาตํ ทุรุฏฺฐิตํ ยํ เม โภเค วิชฺชมาเน ปรินิพฺพายิ จกฺขุมา ฯ มม สงฺกปฺปมญฺญาย สาคโร นาม สาวโก มมุทฺธริตุกาโม โส อาคญฺฉิ มม สนฺติเก ๑ ฯ กึ นุ โสจสิ มา ภายิ จร ธมฺมํ สุเมธส อนุปฺปทินฺนา พุทฺเธน สพฺเพสํ วิชฺชสมฺปทา ฯ โย จ ปูเชยฺย สมฺพุทฺธํ ติฏฺฐนฺตํ ๒ โลกนายกํ ธาตุํ สาสปมตฺตมฺปิ นิพฺพุตสฺสาปิ ปูชเย ฯ #๑ ม. ยุ. สนฺติกํ ฯ ๒ ยุ. สิทฺธตฺถํ ฯ