นาคสมาโล ติมิริ สุธาวคฺเคน เต ทส จตุทฺทสสตา คาถา ปญฺจปญฺญาสเมว จ ฯ พุทฺธวคฺคทสกํ ฯ ปฐมสตกํ สมตฺตํ ฯ ______________ เอกาทสโม ภิกฺขทายิวคฺโค ปฐมํ ภิกฺขทายกตฺเถราปทานํ (๑๐๑)

---

[๑๐๓] สุวณฺณวณฺณํ สมฺพุทฺธํ อาหุตีนมฺปฏิคฺคหํ ปวนา ๑ อภินิกฺขนฺตํ วานา ๒ นิพฺพานมาคตํ ฯ กฏจฺฉุภิกฺขปาทาสึ สิทฺธตฺถสฺส มเหสิโน ปญฺญสฺส อุปสนฺตสฺส มหาวีรสฺส ตาทิโน ฯ ปเทนานุปทายนฺโต ๓ นิพฺพาเปนฺตํ ๔ มหาชนํ วิตฺติ ๕ เม ปาหุนา ตาว พุทฺธสฺสาทิจฺจพนฺธุโน ฯ จตุนวุเต อิโต กปฺเป ยํ ทานมททึ ตทา ทุคฺคตึ นาภิชานามิ ภิกฺขทานสฺสิทํ ผลํ ฯ สตฺตาสีติมฺหิโต กปฺเป มหาเรณุสฺสนามกา สตฺตรตนสมฺปนฺนา สตฺเตเต จกฺกวตฺติโน ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ #๑ ม. ยุ. ปวรา ฯ ๒ ม. วนา ฯ ๓ ม. ปเทนานุปทายนฺตํ ฯ ๔ ม. นิพฺพาเปนฺเต ฯ #๕ ม. อุฬารา วิตฺติ เม ชาตา พุทฺเธ อาทิจฺจพนฺธเน ฯ