สตฺตมํ มธุปิณฺฑิกตฺเถราปทานํ (๙๗)

---

[๙๙] วิวเน ๑ กานเน ทิสฺวา อปฺปสทฺเท นิรากุเล สิทฺธตฺถํ อิสินํ เสฏฺฐํ อาหุตีนํ ปฏิคฺคหํ ฯ นิพฺพุติตํ ๒ มหานาคํ นิสภาชานิยํ ยถา โอสธีว ๓ วิโรจนฺตํ เทวสงฺฆนมสฺสิตํ ฯ วิตฺติ เม ปาหุนา ตาว ญาณํ อุปฺปชฺชิ ตาวเท วุฏฺฐิตสฺส สมาธิมฺหา มธธ ทตฺวาน สตฺถุโน ฯ สิทฺธตฺถสฺส ภควโต วิปปสนฺเนน เจตสา วนฺทิตฺวา สิรสา ๔ ปาเท ปกฺกามึ ปาจินามุโข ฯ จตุตฺตึสมฺหิ กปฺปมฺหิ ราชา อาสึ สุทสฺสโน มธุภึเสหิ สวติ โภชนมฺหิ จ ตาวเท มธุวสฺสํ ปวสฺสิตฺถ ปุพฺพกมฺมสฺสิทํ ผลํ ฯ จตุนวุเต อิโต กปฺเป ยํ มธธ อททึ ตทา ทุคฺคตึ นาภิชานามิ มธุทานสฺสิทํ ผลํ ฯ จตุตฺตึเส อิโต กปฺเป จตฺตาโร เต สุทสฺสนา สตฺตรตนสมฺปนฺนา จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิ จ อฏฺฐิเม ฯ ฉฬภิญฺญา สจฺฉิกตา กตํ พุทฺธสฺส สาสนนฺติ ฯ #๑ โป. วิวิเต ฯ ม. วิปิเน ฯ ๒ ม. ยุ. นิพฺพุตตฺตํ ฯ ๓ ม. ยุ. โอสธึว ฯ #๔ ม. ยุ. สตฺถุโน ฯ