เทฺวนวุเต อิโต กปฺเป ยํ ปีฐํ อททึ ตทา ทุคฺคตึ นาภิชานามิ ปีฐทานสฺสิทํ ผลํ ฯ อฏฺฐตึเส อิโต กปฺเป ตโย เต จกฺกวตฺติโน รุจิ อุปรุจิ เจว มหารุจิ ตติยโก ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา สุปีฐิโย เถโร อิมา คาถาโย อภาสิตฺถาติ ฯ สุปีฐิยตฺเถรสฺส อปทานํ สมตฺตํ ฯ ตติยํ อฑฺฒเจลกตฺเถราปทานํ (๙๓)

---

[๙๕] ติสฺสสฺสาหํ ภควโต อุปฑฺฒทุสฺสมทาสหํ ปรมการุญฺญปตฺโตมฺหิ ๑ ทุคฺคเตน ๒ สมปฺปิโต ฯ อุปฑฺฒทุสฺสํ ทตฺวาน กปฺปํ สคฺคมฺหิ โมทหํ อวเสเสสุ กปฺเปสุ กุสลญฺจกริมหํ ๓ ฯ เทฺวนวุเต อิโต กปฺเป ยํ ทุสฺสมททึ ตทา ทุคฺคตึ นาภิชานามิ ทุสฺสทานสฺสิทํ ผลํ ฯ เอกปญฺญาสกปฺปมฺหิ ๔ ราชาโน จกฺกวตฺติโน สมนฺตาโอทนา ๕ นาม ขตฺติยาสุํ ๖ ชนาธิปา ฯ #๑ ม. ยุ. ปรมกาปญฺญปตฺโตมฺหิ ฯ ๒ โป. ยุ. ทุคฺคนฺเธน ฯ ๓ ม. กุสลํ การิตํ มยา ฯ #ยุ. กุสลํ ตีริตํ มยา ฯ ๔ ม. เอกูนปญฺญาสกปฺปมฺหิ ฯ ๕ ม. สมนฺตจฺฉทนา นาม ฯ #๖ ม. พาตฺตึสาสุํ ฯ