อหํ ปิ หิมวนฺตมฺหิ รมณียสฺสเม อิสิ วสามิ อปฺปมญฺญาสุ อิทฺธีสุ จ ตทา วสี ฯ ปกฺขิชาโต วิยากาเส ปพฺพตํ อภิปตฺถยึ ๑ อโธปุปฺผํ คเหตฺวาน อาคจฺฉึ ปพฺพตํ อหํ ฯ สตฺต ปุปฺผานิ คณฺหิตฺวา มตฺถเก โอกิรึ อหํ อาโลกิโต ๒ จ วีเรน ปกฺกามึ ปาจินามุโข ฯ อาวาสํ อภิสชฺโฌสึ ๓ ปตฺวาน อสฺสมํ อหํ ขาริหารํ ๔ คเหตฺวาน ปายาสึ ๕ ปพฺพตนฺตรํ ฯ อชคโรปิ ๖ ปีเฬสิ โฆรรูโป มหพฺพโล ปุพฺพกมฺมํ สริตฺวาน ตตฺถ กาลํ กโต อหํ ฯ เอกตฺตึเส อิโต กปฺเป ยํ ปุปฺผมภิโรปยึ ทุคฺคตึ นาภิชานามิ ปุปฺผปูชายิทํ ผลํ ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อโธปุปฺผิโย เถโร อิมา คาถาโย อภาสิตฺถาติ ฯ อโธปุปฺผิยตฺเถรสฺส อปทานํ สมตฺตํ ฯ ปญฺจมํ รํสิสญฺญกตฺเถราปทานํ (๘๕)

---

[๘๗] ปพฺพเต หิมวนฺตมฺหิ วาสํ กปฺเปสหํ ปุเร อชินุตฺตรวตฺโถหํ วสามิ ปพฺพตนฺตเร ฯ #๑ ม. อธิวตฺตยึ ฯ ๒ ม. อาโลกิเต ฯ ๓ ม. ยุ. อภิสมฺโภสึ ฯ ๔ ม. ขาริภารํ ฯ #๕ ยุ. ปาวิสึ ฯ ๖ ม. ยุ. อชคโร มํ ปีเฬสิ ฯ