พระสุตันตปิฎกบาลี: 15/166/465 466 467
สุตฺตนฺตปิฏเก สํยุตฺตนิกายสฺส สคาถวคฺโค
สมฺปหํเสติ เต จ ภิกฺขู อฏฺฐิกตฺวา มนสิกตฺวา สพฺพเจตโส
สมนฺนาหริตฺวา โอหิตโสตา ธมฺมํ สุณนฺติ ยนฺนูนาหํ เยน สมโณ
โคตโม เตนุปสงฺกเมยฺยํ วิจกฺขุกมฺมายาติ ฯ
[๔๖๕] อถ โข มาโร ปาปิมา เยน ภควา เตนุปสงฺกมิ
อุปสงฺกมิตฺวา ภควโต อวิทูเร มหนฺตํ ภยเภรวํ สทฺทํ อกาสิ
อปิสฺสุทํ ปฐวี มญฺเญ อุทฺรียตีติ ๑ ฯ อถ โข อญฺญตโร ภิกฺขุ
อญฺญตรํ ภิกฺขุํ เอตทโวจ ภิกฺขุ ภิกฺขุ เอสา ปฐวี มญฺเญ
อุทฺรียตีติ ฯ เอวํ วุตฺเต ภควา ตํ ภิกฺขุํ เอตทโวจ เนสา
ภิกฺขุ ปฐวี อุทฺรียติ มาโร เอโส ปาปิมา ตุมฺหากํ วิจกฺขุกมฺมาย
อาคโตติ ฯ
[๔๖๖] อถ โข ภควา มาโร อยํ ปาปิมา อิติ วิทิตฺวา
มารํ ปาปิมนฺตํ คาถาย อชฺฌภาสิ
รูปา สทฺทา คนฺธา รสา ผสฺสา ธมฺมา จ เกวลา
เอตํ โลกามิสํ โฆรํ เอตฺถ โลโก วิมุจฺฉิโต
เอตญฺจ สมติกฺกมฺม สโต พุทฺธสฺส สาวโก
มารเธยฺยมติกฺกมฺม อาทิจฺโจว วิโรจตีติ ฯ
อถ โข มาโร ฯเปฯ ตตฺเถวนฺตรธายีติ ฯ
อฏฺฐมํ ปิณฺฑสุตฺตํ
[๔๖๗] เอกํ สมยํ ภควา มคเธสุ วิหรติ ปญฺจสาลายํ
พฺราหฺมณคาเม ฯ เตน โข ปน สมเยน ปญฺจสาลายํ พฺราหฺมณคาเม
#๑ โป. ม. อิติสทฺโท นตฺถิ ฯ
