ภิสมูฬาลํ คณฺหิตฺวา อคมึ พุทฺธสนฺติเก ตญฺจ พุทฺธสฺส อทาสึ ปสนฺโน เสหิ ปาณิหิ ฯ กเรน จ ปรามฏฺโฐ เวสฺสภู วรพุทฺธินา สุขาหํ นาภิชานามิ สมนฺเตน กุตุตฺตรึ ฯ จริโม วตฺตเต มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ๑ ฯ เอกตฺตึเส อิโต กปฺเป ยํ กมฺมมกรึ ตทา ทุคฺคตึ นาภิชานามิ ภิสทานสฺสิทํ ผลํ ฯ สโมธานา จ ราชาโน โสฬส มนุชาธิปา กปฺปมฺหิ เตรเส ๒ อาสุํ จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ภิสทายโก เถโร อิมา คาถาโย อภาสิตฺถาติ ฯ ภิสทายกตฺเถรสฺส อปทานํ สมตฺตํ ฯ ฉฏฺฐํ สุจินฺติตตฺเถราปทานํ (๖๖)

---

[๖๘] คิริทุคฺคจโร อาสึ อภิชาโตว เกสรี มิคสงฺฆํ วธิตฺวาน ชีวามิ ปพฺพตนฺตเร ฯ #๑ ม. ยุ. หตฺถินาเคน สนฺเตน กุสลํ โรปิตํ มยา ฯ ๒ ม. จุทฺทเส ฯ