สุตันตปิฎกบาลี

- หน้า 31 -

พฺรหฺมญฺญผลานิ จ ตํ สุณาถ ฯ
[๑๐๖] กตมญฺจ
[๑] ภิกฺขเว พฺรหฺมญฺญํ ฯ อยเมวาริโย อฏฺฐงฺคิโก มคฺโค ฯ เสยฺยถีทํ ฯ สมฺมาทิฏฺฐิ ฯเปฯ สมฺมาสมาธิ ฯ อิทํ วุจฺจติ ภิกฺขเว พฺรหฺมญฺญํ ฯ
[๑๐๗] กตมานิ จ ภิกฺขเว พฺรหฺมญฺญผลานิ ฯ โสตาปตฺติผลํ สกทาคามิผลํ อนาคามิผลํ อรหตฺตผลํ ฯ อิมานิ วุจฺจนฺติ ภิกฺขเว พฺรหฺมญฺญผลานีติ ฯ
[๑๐๘] สาวตฺถีนิทานํ ฯ พฺรหฺมญฺญญฺจ โว ภิกฺขเว เทสิสฺสามิ พฺรหฺมญฺญตฺถญฺจ ตํ สุณาถ ฯ
[๑๐๙] กตมญฺจ ภิกฺขเว พฺรหฺมญฺญํ ฯ อยเมว อริโย อฏฺฐงฺคิโก มคฺโค ฯ เสยฺยถีทํ ฯ สมฺมาทิฏฺฐิ ฯเปฯ สมฺมาสมาธิ ฯ อิทํ วุจฺจติ ภิกฺขเว พฺรหฺมญฺญํ ฯ
[๑๑๐] กตโม จ ภิกฺขเว พฺรหฺมญฺญตฺโถ ฯ โย จ ๒ ภิกฺขเว ราคกฺขโย โทสกฺขโย โมหกฺขโย ฯ อยํ วุจฺจติ ภิกฺขเว พฺรหฺมญฺญตฺโถติ ฯ

สาวตฺถีนิทานํ ฯ พฺรหฺมจริยญฺจ โว ภิกฺขเว เทสิสฺสามิ พฺรหฺมจริยผลานิ จ ตํ สุณาถ ฯ
[๑๑๒] กตมญฺจ ภิกฺขเว พฺรหฺมจริยํ ฯ อยเมวาริโย อฏฺฐงฺคิโก มคฺโค ฯ เสยฺยถีทํ ฯ สมฺมาทิฏฺฐิ ฯเปฯ สมฺมาสมาธิ ฯ อิทํ วุจฺจติ ภิกฺขเว พฺรหฺมจริยํ ฯ #๑-๒ ม. ยุ. โข ฯ

---