- หน้า 484 -
สุตฺตนิปาเต จตุตฺโถ อฏฺฐกวคฺโค ๑
ปฐมํ กามสุตฺตํ
[๔๐๘]
๑ กามํ กามยมานสฺส ตสฺส เจ ตํ สมิชฺฌติ
อทฺธา ปีติมโน โหติ ลทฺธา มจฺโจ ยทิจฺฉติ ฯ
ตสฺส เจ กามยานสฺส ๒ ฉนฺทชาตสฺส ชนฺตุโน
เต กามา ปริหายนฺติ สลฺลวิทฺโธว รุปฺปติ ฯ
โย กาเม ปริวชฺเชติ สปฺปสฺเสว ปทา สิโร
โสมํ ๓ วิสตฺติกํ โลเก สโต สมติวตฺตติ ฯ
เขตฺตํ วตฺถุํ หิรญฺญญฺจ ๔ ควาสฺสํ ๕ ทาสโปริสํ
ถิโย พนฺธู ปุถู ๖ กาเม โย นโร อนุคิชฺฌติ ๗
อพลา นํ ๘ พลียนฺติ มทฺทนฺเต นํ ปริสฺสยา
ตโต นํ ทุกฺขมเนฺวติ นาวํ ภินฺนมิโวทกํ ฯ
ตสฺมา ชนฺตุ สทา สโต กามานิ ปริวชฺชเย
เต ปหาย ตเร โอฆํ นาวํ สิตฺวาว ๙ ปารคูติ ฯ
กามสุตฺตํ ปฐมํ ฯ
_______________
#๑ อฏฺฐกวคฺคิโกติปิ ฯ ๒ กามยมานสฺสาติปิ ฯ ๓ โส อิมํ ฯ ๔ ม. ยุ. หิรญฺญํ วา ฯ
#๕ ม. ควสฺสํ ฯ ๖ ม. ยุ. ปุถ ฯ ๗ โป. อภิสชฺชติ ฯ ๘ ยุ. อพลาว นํ ฯ
#๙ ยุ. สิญฺจิตฺวา ฯ